Hasrat-e-deed mein guzraan hain zamaney kab se

Hasrat-e-deed mein guzraan hain zamaney kab se
Dasht-e-umeed mein gardaan hain dawaney kab se

Der se ankh mein utra nahin askhon ka azaab
Apne zimey hain tera farz najaney kab se

Kis tarah paak ho be-arzu lamhon ka azaab
Dard aya nahin darbaar sjanaey kab se

Sar Karo saaz ke cherrein koi dil sooz ghazal
Dhoondta hai dil-e-shoreeda bahaney kab se

Pur karo jaam ke shayed ho isi lahta rawaan
Rok rakha hai jo ik teer kazzaa ne kab se

Faiz phir kab kisi maktal mein karain ge abad
Lab pe veeran hain shaheedon ke fasaney kab se

Aisa Nahi Ke Ham Ko Mohabbat Nahi Mili

Aisa Nahi Ke Ham Ko Mohabbat Nahi Mili

Tumhain Chahtay Thay, Per Teri Ulfat Nahi Mili

Milnay Ko Zindagi Mein Tou Kayi Hamsafar Milay

Per Un Ki Tabiyat Se Tabiyat Nahi Mili

Chehron Mein Dosron Ke Tujhe Dhoondtay Rahay

Soorat Nahi Mili Kaheen Seerat Nahi Mili

Bohat Dair Se Aaya TU Mere Paas

Alfaaz Dhoondnay Ki Bhi Mohlat Nahi Mili

Tujh Ko Gila Hai Ke Tawajja Na Di Tujhe

Laikin Ham Ko Tou Khud Apni Mohabbat Nahi Mili

Ham Ko Tou Teri Har Aadat Achi Lagi “Faraz”

Afsos Ke Tujh Se Meri Aadat Nahi Mili..

Ahmad Faraz

Dil Se Mila Ke Dil Pyar Kijiye!

Dil Se Mila Ke Dil Pyar Kijiye!

Koi suhana iqrar kijiye,

O sharmaana kesa, ghabrana kesa,

Jeene se pehle mar jaana kesa,

Aanchlon ki chaaon mein,

Ras bhari fizaon mein,

Is zindagi ko gulzar kijiye,

Dil Se Mila Ke Dil Pyar Kijiye,

Aati baharain, jaati baharain!

Kab se khari hain bandhey qatarain,

Chaa rahi hai bekhudi,

Keh rahi hai zindagi,

Jee ki umangain beidaar kijiye,

Dil Se Mila Ke Dil Pyar Kijiye!

Dil se bhula ke ruswaayion ko,

Jannat bana le tanhayion ko,

Aarzuu jawan hai,

Waqt meherbaan hai,

Dil ko na jane hosheyaar kihjiye,

Dil Se Mila Ke Dil Pyar Kijiye!

Sahir Ludhianvi 

(Bandhe Qatarain:Queue)(Umangain:Wishes)(Beidaar:Wake Up)(Ruswaayion:Insults)

Diya Khud Se Bujha Dena

Diya Khud Se Bujha Dena

Hawa Ko Aur Kia Dena ?

Sitare Nochne Walo

Falak Ko Aasra Dena

Kabhi Is Taur Se Hansna

Ke Dunya Ko Rula Dena

Kabhi Is Rang Se Rona

Ke Khud Pe Muskura Dena

Main Teri Dastaras Chahun

Mujhe Aisi Dua Dena

Main Tera Barmla Mujrim

Mujhe Khul Kar Saza Dena

Main Tera Munfarid Sathi

Mujhe Hat Kar Jaza Dena

Mera Sar Sab Se Ooncha Hai

Mujhe Maqtal Naya Dena

Mujhe Acha Laga “Mohsin”

Ose Pa Kar Ganwa Dena..

Mohsin Naqvi

Yaad Nhi

Koi Ehsas B Usko Yaad Nhi

Koi Baat B Usko Yaad Nhi

Ik Shakhs Ne Usko Chaha Tha

Wo Zaat B Usko Yaad Nhi

Jab Shab Ko Bijli Chamki Thi

Or Badal Toot K Barsa Tha

Hum Dono Jis Men Bheegay They

Wo Barsat B Usko Yaad Nhi

Wo Sahil, Dariya Phool, Hawa

Wo Wada Sath Nibhanay Ka

Or Shab Bhar Chand Ko Dekha Tha

Wo Raat B Usko Yaad Nhi

Main Kehta Tha Wo Sunti Thi

Wo Kehti Thi Main Sunta Tha

Itni Saari Baaton Men

Ik Baat B Usko Yaad Nhi